Piztu Lezok santakrutzei aurrea hartu die
Gaur Herri Olinpiadak egingo dituzte biharko (larunbata) Gazte Egunera sasoiko iristeko. Igandean, musa.
Bihar izango da Gazte Eguna. Bazkaria Saldisen egingo dute. Piztu Lezok ezin izan die santakrutzen egun ofizialei itxaron. Festen aurretik eta santakrutzak bitartean hainbat dira antolatu dituzten jarduerak, beti ere festa gosea arintzen joateko, eta herri giroa pizteko helburuz. Gaurtik eta iraileko festak ofizialki hasi arte jarduera parte hartzaile sorta ondu dute gazteek; nola ez, santakrutzetan ere haien ekarpena nabaria izanen da.
Gaur, arratsaldez, Herri Olinpiadak egingo dituzte Karlos Saldise plazan (16:30ean hasiko dira). Biharkoa Gazte Eguna izango da. Eta etzi (igandea) festazaleen taupadak jaisteko (edo baten bati igotzeko), mus txapelketa. Hilaren 12rako ere prestatu dituzte ekintza gastronomiko-musikalak.
Beheko zerrendan, zer eta non antolatu dute gazteek datozen egunetarako.
Piztu Lezoren Santakrutz Festen aurreko ekitaldiak
Gaur (hilak 5, ostirala)
- 16:30ean, Karlos Saldise plazan, Herri Olinpiadak.
Bihar (hilak 6, larunbata). Gazte Eguna.
- 12:00. Lau Katu txaranga Karlos Saldise plazatik hasita.
- 14:30. Gazte Bazkaria Karlos Saldise plazan.
- 17:00. Tiki ta Riki zuzuzunba jarduera Karlos Saldisen.
- 18:00. Sakatu elektrotxarangaren kalebuelta Karlos Saldisen hasita.
- 21:00. Bide Batez taldearekin erromeria Karlos Saldisen.
- 00:30. DJ Potzons Karlos Saldisen.
Etzi (hilak 7, igandea)
- 17:00. Mus txapelketa Karlos Saldisen.
Hilak 12, ostirala
- 21:30. Afari autogestionatua Karlos Saldisen.
- 22:30. Playnack lehiaketa Karlos Saldisen.
OHARRA: Hilaren 13an hasiko dira ofizialki 2025eko santakrutzak. Egitarau osoa ikusteko baliatu esteka hau.
