Udal ludotekek prest dute ikasturte berria
Trintxerpe-San Pedro, Antxo eta Donibaneko udal ludoteketako matrikulak hilaren 10etik 26ra bitartean egin behar dira, eta zerbitzua 4 eta 12 urte bitarteko gazteei begirakoa da.
Trintxerpe-San Pedro, Antxo eta Donibaneko udal ludotekek prest dute 2025-2026 ikasturtea. Matrikulazio epea hilaren 10etik 26ra bitartean izango da, eta bertan egingo dituzten ekintzak 4 eta 12 urte bitarteko gazteei begirakoak dira. “Gure ustez, ludotekak esparru paregabea dira, eskola orduetatik kanpo primeran pasatzeko, euskaraz bizitzeko, sozializaziorako eta integraziorako. Gaur egun, Pasaiako familia askok gozatzen dute arratsaldero Pasaiako udal ludotekek duten eskaintzaz”, adierazi du Julen Rodriguez Haur, Nerabe eta Gazteen Sustapen zinegotziak. Horrez gain, udal ludoteken beste helburuetako bat da haurrek euskara praktikara eramatea eta hizkuntzaz aberastea.
Ikasturteko kuota 58,98 eurokoa da, eta izen emateak telefonoz edota posta elektroniko bidez egin beharko dira. Ludoteken egoitzak zuzenean ere ezagutu ahal izango dira, eta interesdunak bertara hurbildu edota zerbitzuarekin harremanetan jarri beharko dira.
Hona hemen udal ludoteken kontaktuak:
Trintxerpe-San Pedro:
- Helbidea: Espinosa de los Monteros, z/g.
- Telefonoa: 943 39 25 10.
- Helbide elektronikoa: trintxerpesanpedroludoteka@gmail.com.
Antxo:
- Helbidea: Eskalantegi 45.
- Telefonoa: 943 24 85 14.
- Helbide elektronikoa: antxoludoteka@gmail.com.
Donibane:
- Helbidea: J.J. Otaegi plaza, z/g.
- Telefonoa: 943 34 43 28.
- Helbide elektronikoa: donibaneludoteka@gmail.com.
