Pilotarekin gozatzeko aukera, Arkirunen
Lezoko pilota klubak eskolan izena emateko aukera zabalik dela jakinarazi du. Entrenamenduen ordutegien berri ere eman du.
Arkirun Pilota Klubak beste sasoi berri bati gogotsu ekingo dio. Taldearen barruko pilota eskolan izena emateko aukera jada zabalik dela jakinarazi dute klubaren arduradunek, eta gainera, adinaren arabera sortuko diren taldeen entrenamendu egun eta orduen berri ere eman dute.
Pilota eskolekin hilaren 29an (astelehena) hasiko direla zehaztu dute Arkiruneko kideek. Izena emateko, edo informazio gehiago izateko, 663 17 30 66 (Gari) telefono zenbakira dei daitekeela adierazi dute.
Jarraian, sortuko diren taldeen entrenamenduen egunak eta orduak.
Astelehenetan
- 17:00-18:00. Kimu Mailakoak (Alebinak).
- 18:00-19:30. Gazte Mailakoak
Asteartetan
- 18:00-19:00. Benjamin Mailakoak.
- 19:00-20:30. Haur Mailakoak.
Asteazkenetan
- 18:00-19:30. Gazte Mailakoak
Ostegunetan
- 17:00-18:30 Haur Mailakoak.
- 18:30-20:00. Neskak.
