Udal Musika eta Dantza Eskolako diru laguntzak, zabalik
Pasaia Musikal Udal Musika Fundazioak 2024-2025 ikasturteko diru laguntzak eskatzeko epea ireki du. Eskaerak hilaren 26ra arte egin ahal izango dira.
Pasaia Musikal Udal Musika Fundazioak 2024-2025 ikasturteko diru laguntzak eskatzeko epea ireki du. Laguntza horiek Pasaian bizi diren eta Juanje Neira Pasaiako Udal Musika eta Dantza Eskolan ikasketak egiten ari diren ikasleei begirakoak dira. Eskaerak hilaren 26ra arte egin ahal izango dira, eta interesdunek eskaera inprimakia eta Musika Eskolako txostena aurkeztu beharko dituzte.
Pasaia Musikalek, gainera, hainbat baldintza ezarri ditu diru laguntzak jaso ahal izateko, honakoak:
- Pasaiako Udal Musika Eskolako egoitzetako batean egitea ikasketak.
- Matrikularen zenbateko osoa adierazitako epeetan ordaindu izana.
- Ikasketen aprobetxamendu positiboa ziurtatzea.
- %75eko bertaratzea betetzea ikasturtearen hasieratik dirulaguntza izapidetu arte.
Zalantzak argitzeko, Musika Eskolako idazkaritzaren kontaktua jarri dute interesdunen eskura. Bi modutara jarri daiteke haiekin harremanetan: 943 39 60 85 telefono zenbakira deituta edo posta elektroniko bidez.
