Aimar Fernandez de Gorostiza, garaile Zarautzen
Hainbat podium lortu ditu urtean zehar, eta igandean, hainbeste desiatutako saria lortu zuen.
Aimar Fernandez de Gorostiza, erdian, igandean. Igande goizean Juan Jose Beraciertoren omenean egindako txirrindularitza lasterketan Aimar Fernandez de Gorostiza oiartzuarra gailendu zen. Bigarren urteko juniorrentzat eta kadeteentzat egindako lasterketa zen igandekoa, eta Fernandez de Gorostizak 1:55:17eko denbora egin zuen. Ez da lehen aldia oiartzuarrak podiuma zapaltzen duela azken aldian, abuztuaren 30ean San Bartolome sarian bigarren postua lortu zuen eta.
Urte ederra egin du Fernandez de Gorostizak. Besteak beste, Juniorren Gipuzkoako Itzulian bi podium lortu zituen, eta Uzarragako igoeran eta Elkartu Nahi sarian bigarren postuak. Aipatutako lasterketa guztiak errepidean egindakoak dira, baina oiartzuarra ez da soilik horretara mugatzen. Pistako txirrindularitzan garaipen asko lortu izan ditu, eta Gipuzkoako, Euskal Herriko eta Espainiako selekzioekin aritutakoa da.
Ipar Maquina – Dimaq (Club Ciclista Irunes) taldearekin dabil Fernandez de Gorostiza, junior edo jubenil mailan. Hurrengo maila 23 urtetik beherakoena da, ate profesionaletatik gertuago gelditzen dena.
