Nazio ekitaldirako autobusa antolatu du Sortuk
Hilaren 27an 50 urte beteko dira frankistek Txiki eta Otaegi fusilatu zituztela. Nazio ekitaldia antolatu du Sortuk egun horretarako Iruñeko Anaitasunan.
Txiki eta Oategiren omenezko ekitaldira joateko autobusa antolatu du Sortuk. Mende erdia beteko da hilaren 27an frankistek Juan Paredes Txiki eta Angel Otaegi fusilatu zituztela, eta egun berean, nazio ekitaldia antolatu du Sortuk Iruñeko anaitasuna pabiloian. Txiki eta Otaegi oritzeko ekitaldia izango da hileko azken larunbatean egingo duten hori eta bertan besteak beste, gogorarazi egingo dute fusilamendu haiekin, Francoren diktaduraren aurka borrokatu ziren bi gazte abertzaleak hiltzearekin batera, “Euskal Herriaren askatasun egarria itotzea” ere bazutela helburu, “ez zuten lortu, ordea”. Carlos I Borboikoa Espainiako estatuburu izendatzeak ere helburu bera zuela azaldu du Sortuk , “gutzia lotuta eta ondo lotuta uztea”.
Mende erdia joan bada ere, Euskal Herriaren askapen nazionala eta sozialaren aldeko alderdi mugimenduak nabarmen jarri du 1975eko gertakari haien memoriak eta orbainek bizi-bizirik dirautela Euskal Herrian. Besteak beste, oraindik orain Euskal Herriari nazio izaera eta autodeterminazio eskubidea ukatzen zizkiola esan du, “haatik, herri hau altxarazi eta itxaropena ekarri zuen belaunaldi haren askatasun egarria ere bizi-bizirik da, hala iritsi da guganaino hamarkadaz hamarkada”.
Urte seinalatu hartatik 50 urte igarota Euskal Herriak baduela zer gogoratu sinistuta azaldu da Sortu, “badugu zer oroitua, zer ospatua eta zer aldarrikatua: Euskal Herriaren askatasun grinak bizirik eta indartsu jarraitzen du, eta duela mende erdi ondo lotuta utzi nahi zuten korapilo hura askatzeko momentua da”.
Aldarri horien bueltan bilduko direla ezker abertzaleko hainbat belaunalditako kide andana Anaitasuna pabiloira hilaren 27an adierazi du, “bertan izango gara oreretarrak ere”. Horretarako autobusa antolatu dute. 15:30ean abiatuko da autobus hori Zumardiko autobus geltokitik.
Autobusean izena eman nahi dutenek Landare eta Arkaitza tabernetan izango dute izena emateko aukera, horietan jarri baitute zerrenda, “ekitaldira sartzeko berriz, ez da sarrerarik edo gonbidapenik behar eta ez da izena eman beharrik ere”.
