Emakumeen Etxeak etorkizuneko bide orria osatu nahi du
Bi saio antolatu ditu, emakume guztiei irekiak, hilaren 25ean eta urriaren 2an.
Hitzaldi bat Emakumeen Etxean. Emakumeen Etxeak etorkizuneko bide orria zehaztu nahi du, eta lanketa hori, ahalik eta emakume gehienen ekarpenarekin egin nahi du. Hori horrela, bi saio antolatu ditu; hilaren 25ean izango da lehena, osteguna, eta urriaren 2an bigarrena, osteguna hori ere. Saioak 17:30etik 20:30era egingo dituzte.
2019an zabaldu zituen ateak Emakumeen Etxeak eta bost urteetako ibilbidean ikasitakoaren balantzea egiteko Emakumeen Etxeko batzarrak hausnarketa prozesu bat egitea erabaki zuen, ibilbidea baloratu eta hurrengo urterako bide orria modu bateratuan adosteko. Urte hasieran informazioa ildu eta aztertzeari ekin zioten, eta une honetan, helburua datorren urteei begira hausnarketa kolektiboa egitea da.
Emakume guztiak deitu ditu saioetan parte hartzera Emakumeen etxeak, “bai dagoeneko proiektuan parte hartzen ari direnak, baita bertatik bertara ezagutu nahi dutenak ere”.
Parte hartzeko baldintza bakarra, posta elektronikora mezua bidaltzea da (klik hemen).
Emakumeen Etxeak zabalik ditu ateak astelehen eta ostiraletan 09:00etatik 13:00etara, eta asteartetik ostegunera, 16:00etatik 20:00etara. Telefono zenbakia, honakoa: 943 44 96 30.
