Bertan da Atlantikaldia
Goizean, urtero legez, ikasleek egin diote harrera Atlantikaldiari. Errenteria-Oreretako ikastetxeetako LH4 mailako gaztetxoak izan dira protagonista zeharkaldien pasaportea jarduerarekin.
Atlantikaldia bertan da. Bertan da Atlantikaldia. Ordu gutxi batzuk falta dira Itsasargi nagusiak musika jaialdia eta kultur topagunearen aurtengo lehen kontzertua handia hartzeko, eta azken ukituak ematen ari dira Kale kaian, Itsasargi nagusian bertan, Herriko Plazan eta Herrixkan gaur arratsalderako dena prest egon dadin. izan ere, kartel buruen lehen kontzertua 20:00etan izango da, Gazako Sol Band izango da agertoki nagusian, Eñaut Elorrieta, Arkaitz Miner, Ines Osinaga eta Olatz Salvadorrekin batera, baina aurretik bisita gidatua, haurrentzako tailerrak, dantza tailerrak eta dj tailerra ere izango dira (ikus egitaraua hemen klikatuta).
Goizean, urtero legez, ikasleek egin diote harrera Atlantikaldiari. Errenteria-Oreretako ikastetxeetako LH4 mailako gaztetxoak izan dira protagonista zeharkaldien pasaportea jarduerarekin. Musika eta dantza bidaian murgildu dira denak, mundua zeharkatzeko, pasaportea esku batean, eta koloretako zigiluak bestean igo dira hegazkinera. Zeharkaldietan kolore ezberdinetako zigiluak, laguntasun zigiluak pilatu behar izan dituzte, pasaportea bete arte.
Eguraldia lagun, bikain osatu dute egitekoa.
