Bihar egingo dute udal osoko bilkura; hamabi gai jorratuko dituzte
Uda ondorengo lehen udal osoko bilkura egingo dute bihar, hilak 24, 18:00eta. Pleno aretoan izango da hitzordua.
Oiartzungo Udalak jakinarazi duenez, bihar (hilak 24) egingo dute uda osteko lehen udal osoko bilkura. 18:00etan izango da, pleno aretoan, eta hamabi gai jorratuko dituzte hitzorduan.
Hona hemen biharko bilerako gai zerrenda:
- Aurreko batzarrari dagokion aktaren onarpena.
- Lezo, Oiartzun eta Pasaiako udalerrietako gizarte bazterketako egoeran dauden pertsonentzako eguneko Arreta Zerbitzuaren Erregelamendua onartzea.
- Construcciones Pagamuño SL. Lanbarren poligonoko LAN-1A azpiaren Xehetasun Azterketa behin betiko dokumentua onartzeko eskaera.
- Oiartzun bizitegi merkatuko tentsio eremuen izendapenerako espedienteari hasiera ematea.
- 2026rako Zerga Ordenantzen aldaketa.
- Trafikoko Buruzagitza Nagusia erakunde autonomoak eta Espainiako Udalerrien eta Probintzien Federazioak informazioa trukatzeko eta elkarri laguntzeko sinatutako hitzarmenari atxikitzea.
- Musika eskola zerbitzu publikoa ezartzea. Hasierako onarpena.
- Enplegu planen eta toki garapenaren arloko lankidetza hitzarmena, Oarsoaldea, S.A., Errenteriako Udala, Lezoko Udala, Pasaiako Udala eta Oiartzungo Udalaren artean.
- Berri ematea. 2025-KALD-000005-00 kreditu aldaketaren onarpena.
- Beste ekitaldietako ordainagiriak baliogabetzea.
- Beste organoen jardueraren jarraipena.
- Eskari galderak.
