Hezkuntza komunitateak ere, Palestinarekin
Gure Haurrak Ere Badira plataformaren deiari jarraiki elkarretaratzeak egin dituzte gaur ikastetxeen atarian.
Don Bosco eta Koldo Mitxelenako irakasleek elkarretaratzea egin dute.Don Bosco/Koldo Mitxelena Palestinaren aldeko elkarretaratzeak egin dituzte gaur Gure Haurrak Ere Badira plataformak deituta Oarsoaldeko eta Bidasoko ikastetxeetan, horien artean Errenteria-Oreretako Koldo Mitxelena Institutuan eta Don Bosco LH institutuan. Helburua: Palestinari elkartasuna adierazi eta genozidioa gelditzea eskatzea. Gaurko ikastetxeetan Palestinarekiko elkartasun agerraldiak zituen deituta plataformak, eta Oarsoaldeko zentroetan ere egin dira mobilizazio eta elkarretaratzeak, beraz. HITZAk bi zentro horietako irakasleek bidalitako irudiak jaso ditu.
Gaurkoa, dinamika luzeago baten lehenengoa izan da. Izan ere, hasiera batean lau ostegunez jarraian egingo dituzte mobilizazioak hezkuntza zentroen parean. Hezkuntza komunitateek eta irakaskuntzako sindikatuek deitu dute dinamikara.
Gaurko, edo aurrerago egingo diren mobilizazioen berri eman edo irudiak HITZAra bidaltzeko, baliatu posta elektroniko helbide hau.
