Gazara doan ontzidiaren alde, elkarretaratzea gaur
Gaur gauean atzeman ditu Israelgo armadak Gazara bidean doan ontzidiko 20 ontzi. Horren aurka elkartuko dira gaur udaletxe aurrean.
Palestinaren aldeko agerraldia, udaletxe parean. Gaur gauean atzeman ditu Israelgo armadak Palestinaren alde Gazara bidean zihoan Global Sumud ontzidia. Horren aurka protesta egiteko, elkarretaratzea deitu du Palestinarekin Elkartasuna ekimenak. Udaletxe aurrean egingo dute, gaur, arratsaldeko 19:00etan.
200 ekintzaile atxilotu ditu Israelgo armadak, eta adierazi dute lehorreratzean deportatu egingo dituztela. Guztira, 47 ontzik osatzen dute ontzidia, eta 20 izan dira harrapatuak. Beste 27ak Gazarako bidean jarraitzen dute.
