Kiroldegiko prezio murriztuak eskatzeko epea ireki du Oiartzungo Udalak
Hilabeterako kuota orokorra 25,34 eurokoa izango da, baina diru sarrera txikiak dituzten bazkideentzat aukera bereziak eskainiko ditu udalak.
Edorta Fernandez Kirol zinegotzia eta Olaia Lasa Ongizate zinegotzia. Elorsoro kiroldegiko prezio murriztuak iragarri ditu Oiartzungo Udalak. Gainera, haiek eskatzeko epea ireki dute, azaroaren 10era arte. Hilabeteko kuota orokorra 25,34 eurokoa izango da, baina erabiltzailearen adinaren edo bizikidetza unitatearen arabera baitan aldaketak egongo dira.
Hauek dira aurtengo prezioak:
-
Helduen ohiko kuota (hileko): 25,34 €
-
Gazteak (6-15 urte), banakako kuota: 15,59 €
-
65 urte edo gehiagokoek, banakako kuota: 15,59 €
-
65 urte edo gehiagoko bikote kuota: 25,45 €
-
Familia kuota: 42,49 €
-
Familia ugaria edo guraso bakarreko kuota: 29,75
Baina, horiez gain, prezio murriztuak eskainiko ditu udalak. Diru sarrera txikiak dituzten bazkideek prezio murriztuagoa izango dute, orokorra baino %40 txikiagoa. Egun, 63 familiek eta 36 norbanakok dute tarifa murriztua. Tarifa berezi horiek lortzeko, eskaera udaletxeko Herritarren Arreta Bulegoan egin beharko da, online edo aurrez aurre.
Orain arteko prezio murriztuez gain, udalak beste berri bat iragarri du. 65 urtetik gorako pertsonentzat zuzendua egongo da, eta soilik zehaztutako errenta mailara iristen ez diren bazkideentzat izango da. Haientzat haien adin tarteko kuotaren %40ko beherakada ezarriko da.
Tarifa murriztuak:
-
Helduen kuota murriztua (eskaera egin behar da): 15,21 €
-
Gazteen (6-15 urte) prezio murriztua (eskaera egin behar da): 9,32 €
-
65 urte edo gehiagokoen prezio murriztua (eskaera egin behar da): 9,32 €
-
Familien prezio murriztua (eskaera egin behar da): 25,45 €
-
Familia ugarien edo guraso bakarrekoen prezio murriztua (eskaera egin behar da): 17,84 €
- Ezgaitasuna dutenek: doakoa
