Ukrainiako jantzi tradizionalen erakusketa zabalduko dute astelehenean
Xenpelar Etxeak hartuko du erakusketa eta hilaren 25era arte izango da zabalik astelehenetik larunbatera, 17:00etatik 20:00etara.
Ukrainiako jantzi tradizionalen erakusketa zabalduko dute datorren astelehenean, hilak 13, Xenpelar Etxean. Jantzi bilduma horrek hainbat eskualderen nortasuna, historia eta sinbolismoa islatzen dutela azaldu dute antolatzaileek.
Aniztasunaren hariak goiburuarekin, hilaren 25era arte izango da zabalik erakusketa, eta euskal eta ukraniar kulturen arteko topaketa izan nahi duela esan dute Ukrania-Euskadi elkarteko ordezkariek, ” batzen gaituen aniztasuna eta loturak ospatzeko gonbidapena izan nahi du”. Erakusketa astelehenetik larunbatera bisitatu ahalko da, 17:00etatik 20:00etara.
Irekiera ekitaldia astelehenean izango da 18:00etan. Dokumental bat ikusi eta Ukrainiako pintxoak dastatzeko aukera ere izango dute bertaratzen direnek.
