Urkabeko igoera egingo dute larunbatean
17:00etan hasiko da, 1,6 kilometroko ibilbidearekin. Izen ematea ostiralera arte irekita dago, baina egunean bertan apuntatzeko aukera izango da.
Urkabeko igoerako artxibo argazki bat. Larunbatean egingo dute Urkabeko igoera. Intxixu trail taldeak antolatutako lasterketak Urkabeko gurutzea izango du helmuga. 1,6 kilometroko ibilbidea da eta 190 metroko igoera izango du. Larunbatean, 17:00etan hasiko da lasterketa, bidegorritik (skate parkearen ondotik). Edonola ere, partaideei 16:45ean kiroldegi ondoan agertzeko eskatu diete, denak elkarrekin abiatze eremura joateko.
Izen ematea ostiral gauera arte egongo da irekia, zortzi eurora, herrikrosa.eus atarian. Egunean bertan izen emateko aukera izango da, lasterketa hasi eta 30 minuto lehenagora arte, baina hamabi eurora. Sari banaketa 18:30ean izango da, Beheko plazan. Hainbat sari banatuko dituzte:
Gizonak eta Emakumeak
1º Herriko produktuekin saskia
2º Herriko produktuekin saskia
3º Herriko produktuekin saskia
Herritarrak Gizonak eta Emakumeak
1º Herriko komertzio batean gastatzeko balea
