Bihar hasiko da 'Euskararen historia' hitzaldi zikloa
Borja Ariztimuñok emango du lehen hitzaldia, eta antolatzaileek adierazi dute ongi joan dela izen ematea.
Ttur Ttur elkarteak antolatutako bertso saio bat. Bihar hasiko dute Euskararen historia. Euskararen egiazko misterioa iraupena da, ez jatorria hitzaldi zikloa, Ttur Ttur elkartearen eskutik. Antolatzaileek adierazi dute izen emate kopuru aparta izan duela egitasmoak, eta irrikitan daudela hitzaldiak hasteko.
Bihar izango da lehen hitzaldia, Borja Ariztimuñoren eskutik. Solasaldi guztiak larunbatetan, 10:00etatik 13:00etara, Haurtzaro Ikastolako jantokiaren goiko solairuan izango dira.
Hitzaldi zikloaren egitaraua
Jakin noiztik X. mendera
- Urriak 11, 10:00-13:00.
- Borja Ariztimuño Lopez, EHUko doktorea Euskal Filologian.
Euskara, jalgi hadi kanpora, XI-VIII. mendeak
- Urriak 25, 10:00-13:00.
- Blanca Urgell Lazaro, EHUko doktorea Euskal Filologian.
Pizkundeak eta atzerakada berria, 1800-1975
- Azaroak 8, 10:00-13:00.
- Haritz Azurmendi, doktorea Gizarte Zientzietan eta Jakin taldeko kidea.
Euskalgintzaren berregituratzea eta indarberritzea, 1975-2023
- Azaroak 22, 10:00-13:00.
- Goiatz Oiartzabal Lakarra, BadaLab hizkuntza berrikuntza laborategiko zuzendaria.
Nora goaz? Etorkizunera begira. Mahai ingurua.
- Abenduak 13, 10:00-13:00.
- Idurre Eskisabel Larrañaga, Euskalgintzaren Kontseiluko idazkari nagusia.
- Xan Aire Hasquet, euskara teknikaria eta Plazara kooperatibako kidea.
- Jon Sarasua Maritxalar, doktorea Informazio Zientzietan eta euskaltzain urgazlea.
- Moderatzailea: Irati Odriozola Zugarramurdi, UEMAko euskara teknikaria.
