Haurtzaro Ikastolan, Palestinari elkartasun eta babes betea
Ikastolan bat egin dute Gure Haurrak Ere Badirak deitutako mobilizazioekin. Horiez gain, Palestinako herriaren babeserako beste hainbat lanketa egiten ari dira.
Atzoko elkarretaratzekoa da iruida, ikastolaren anfiteatrokoa.Haurtzaro Ikastola Oarsoaldeko hezkuntza komunitateek bat egin dute Palestinako herria jasaten ari den sufrimenduarekin. Horren seinale, Oiartzungo Haurtzaro Ikastolan egiten ari diren lanketa. Batetik, Gure Haurrak Ere Badira plataformak ostegunetarako deitutako mobilizazioekin bat egin du hezkuntza komunitateak, ikasleek, irakasleek, langileek eta familiek. Albiste honekin batera doazen irudiak atzo egin zituzten mobilizazioenak dira.
Gainera, Palestinako genozidioa salatzeko bidean beste hainbat jarduera egiten ari dira Haurtzaron. Adibidez, zapatak biltzen ari dira, hilaren 25ean Bilbon egitekoa den nazio manifestazioaren harira. Ume palestinarren aldeko ekintza da hori, eta ikastolan bertan egiten dituztenetan erabiltzeaz gainera, Bilboko martxara eramango dituzte. Elkartasun kamisetak ere egiten ari dira.
Jarraian ikus daitezkeen irudiak Haurtzaro Ikastolak HITZAra bidalitakoak dira. Beste hezkuntza zentroek ere Palestinaren aldeko lanketen edukiak bidal ditzakete hedabide honetara, posta elektroniko helbide honetara informazioa eta argazkiak bidaliz (egin klik hemen).
