Bizilagun berriei harrera egiteko jardunaldiak antolatu dituzte
'Los miserables' filmarekin irekiko dute egitaraua, eta Munduko arrozen egunarekin, berriz, itxi. Hilaren 19an izango da harrera saioa.
Oiartzungo Udalak eta Abaraxkak bizilagun berriei harrera egiteko jardunaldiak atolatu dituzte datozen egunetarako. Lau egunetan banatu dute egitaraua, baina harrera saioa hilaren 19an (igandea) egingo dute.
Lehen hitzordua datorren ostegunean (hilak 16) izango da, eta film batekin emango diote egitarauari hasiera. Zehazki, Los miserables filma ikusteko aukera izango dute hala nahi dutenek 19:30ean, Landetxen. Horretarako sarrerak eskuratu behar dira aurrez, hemen.
Bigarren hitzordua hurrengo egunean (hilak 17) izango da, eta bizilagunek hausnarketarako tartea izango dute Oiartzuarrak arrazistak al gara? mahai inguruarekin. Jon Martinek gidatuko du saioa, eta Amelia Barquin, Amaia Jackson eta Nahikari Irastorza izango dira hizlariak. Alabaina, saioaren hasiera eta amaiera Mirari Martiarenak egingo ditu. Landetxen izango da hitzordu hori, 18:30ean, eta gonbidapenak behar dira horretarako.
Ekitaldi nagusia edota harrera saioa bera, aipatu moduan, hilaren 19an izango da, eta herriko plazan egingo dute hori. 11:30ean izango da. Eta, azkenik, egitarauari amaiera emateko, Munduko arrozen eguna egingo dute Kontzejupean azaroaren 15eko goizean zehar.
