Palestinaren aldeko mobilizazio feminista jendetsua, Antxon
Emakume palestinarrak jasaten ari diren bortizkeria eta indarkeria "lazgarria" salatzeko elkarretaratzea egin zuten atzo.
Euskal Herriko Mugimendu Feministak deituta, Palestinaren aldeko mobilizazio feminista egin zuten atzo Antxon Olaia Inziarteren kontzertuaren aurretik.
“Urte luzeak Igaro dira Israelgo estatu sionista sortu eta Palestina okupatua izaten hasi zenetik”, ekin zioten feministek. “Zoritxarrez, azken urte eta hilabeteetan Israelgo estatuaren oldarraldia areagotu egin da Palestinako lurretan, eta ez dago genozidioa ez den beste hitzik gertatzen ari dena salatzeko”, jarraitu zuten gero, ozen.
Euskal Herriko zenbait txokotako feministak kalera atera ziren atzo genozidioa salatu eta erantzunkizuna “euren gain” hartzeko jokatzeko. Ildo horretatik, aipatu zuten duela aste batzuk emakume palestinarrek mezu “argi” bat helarazi zutela ohar baten bidez; bertan, nabarmendu zuten helburua zela emakume palestinarrak jasatzen ari ziren genozidioa salatzea, Palestinaren aldeko ekintza eta mobilizazio feministak antolatzea, Gobernuari zein erakundeei Israeli aramak ez bidaltzeko “presio egitea”, edota Israel babesten duten enpresa eta instituzioak “boikoteatzea”.
Antxokoek, bestalde, irmoki salatu zuten emakume palestinarrak jasaten ari diren bortizkeria eta indarkeria “lazgarria”, baina haurrak ere ezin aipatu gabe utzi, azken hilabeteetan gutxienez 20.000 haur erail baitituzte. Era berean, gehitu zuten Israel gosetea ari ela erabiltzen arma gisa palestinar herriaren aurka.
“Palestinaren alde eta Israelen aurka lerratzea, askatasunaren alde lerratzea da, sistema kapitalista zisheteropatriarkal arrazista eta kolonialistaren aurka, hain zuzen”, jarraitu zuten. Horregatik, azpimarratu zuten atzo Pasaian edota Euskal Herriko zenbait txokotan elkartu zirenei “egoerarekiko posizio argia agertzea” baino ez zegokiela. “Europako herrialdeetatik, eta zuri bezala, dugun erantzunkizuna salatu behar dugu, baita Israelen konplizeak salatu ere. Ez diezagutela sinetsarazi ez dugula zereginik”.
Gero, harrotasunez azaldu zuten Euskal Herriak urteak daramatzala Palestinari elkartasuna eta babesa adierazteko mobilizizazioak antolatzen eta Israelgo estatu sionistaren aurkako boikotean arktiboki parte hartzeko dei egiten, eta Mugimendu Feministako kideei ere horietan parte hartzea dagokiela gehitu zuten. Are, bide horretan jarraitzeko deia ere luzatu zuten atzokoan.
Duela egun batzuk “egoeraren erantzule diren berberek, urteetako apartheida bultzatutako berberek,” bake prozesu baterako bide proposamen bat aurkeztu zuten, eta, bide horretan, argitu zuten feminismo internazionalistatik urteak daramatzatela bakea ortzimugatzat eta gerren kontrako “arma ezinbestekotat hartzen”. Alabaina, kontatu zuten ez dutela mendebalde globalaren eta haren agintarien neurrira proposatutako bakerik nahi; “ez dugu haiek bakerik nahi”.
Horregatik guztiagatik, Palestinaz hitz egiten jarraitzkeo deia luzatu zuten Antxon, baita genezodioa salatzeko ardura hartzea ere. Finean, Israeli boikot egiten jarraitzeko deia egin zuten.
“Segi dezagun gobernuak interpelatzen eta gobernuei presio egiten. Segi dezagun mobilizazioak antolatzen eta elkartasun internazionalista artikulatzen. Ibaitik itsasora Palestina askatu! Gora palestinar erresistentzia!”, amaitu zuten.
Jarraian, HITZAk bildutako zenbait irudi.
