Gipuzkoako Artista Liburuaren topaketak, Merkatuzarren
Artista liburuen erakusketa egingo dute Merkatuzarren hilaren 17tik 19ra. 50 artista eta kolektibotik gora beren obrak erakutsiko dituzte.
Iazko erakusketaren irudi bat.Oskar Moreno Artista liburuaren hamargarren topaketa egiten ari dira, eta horren barruan hainbat hitzaldi, ipuin kontaketa, poesia emanaldi, erakustaldi profesionalak antolatu dituzte. Artista Liburuen erakusketa ere antolatu dute, eta Merkatuzarrek hartuko du azken hori hilaren 17tik 19ra. Hilaren 17an, ostirala, arratsaldez izango da zabalik, 16:30etik 20:30era; hilaren 18an, larunbata, 10:00etatik 20:30era; eta hilaren 19an, igandea, 10:00etatik 13:30era.
Irekiera ekitaldia hilaren 17an egingo du Arteliburu 21ek, berak antolatzen ditu topaketak, eta horretarako, musika aukeratu du. Xabi eta Koldo Sorzabalbere Irungo txalapartariek eta Paoletta Balmelli abeslariak zabalduko dute erakusketa 16:3etik 17:30era. Ondoren topaketen aurkezpena egingo du Luis Barriosek.
Ekitaldi berezia ere antolatu dute topaketen barruan eta horren bidez, Xenpelar koadernaketako tailer zaharra omenduko dute, bertan egindako obren erakusketaren bidez. Eguna bukatzeko artistek hartuko dute hitza, eta Izaki taldeak Huellas en el barro arte zeramikoaren gaineko erakusketaz ariko da.
Hortik aurrera, sei ekitaldi gehiago egingo dira topaketaren barruan, larunbata eta igandearen artean, baita azaroan hitzaldia ere. Merkatuzarrek hartuko duen erakusketan hainbat artista eta kolektiboren obrak ikusteko aukera izango dute bertaratzen direnek. Horiek zein egitarau osoa ikusteko klik egin hemen.
