Erronkei nola heldu erabakitzeko unea iritsi da
Errenteria 2040 prozesuak proposamen fasea abiatu du, eta udalak etorkizunaren diseinuan parte hartzera deitu ditu herritarrak.
Diagnostiko saio bat.Herri Bizia Errenteria 2040 prozesuak proposamen fasea abiatu du, eta udalak, parte hartzera gonbidatu ditu herritarrak etorkizunaren diseinuan parte har dezaten. Datorren astean hasiko dela plan estrategi horren bigarren fase publikoa jakinarazi du udalak, eta lehenago atzemandako erronkei nola erantzun erabakitzeko unea izango dela .
Diagnostiko fasea egin zuten aurretik, eta herriaren indarguneak eta ahuleziak aztertu zituzten orduan herritarrekin, eragileekin eta udaleko esparru tekniko zein politikotan. Lan horren emaitzak jaso dituzten dokumentuak argitaratu ditu udalak. Udaberri eta udara artean egin zuen diagnostiko fasea udalak, eta bertan, aurreko plan estrategikoaren balantzea eta batez ere, egungo erradiografia egin zituzten: “Diagnostiko fasean egindako ekarpen aberatsak erabaki politiko eta publikorako oinarri bihurtu dira eta datozen jarduerei norabidea emango diete, bereziki datorren astean egingo diren proposamenetarako saioetan”.
Errealitatea aztertuta etorkizuneko erronkak identifikatu zituzten, orain etorkizunerako alternatibak eta udalerrian garatu beharreko proiektuak diseinatzeko unea izango da. Hori horrela herritarrak deitu ditu udalak, “horien ekarpena funtsezkoa baita”. Faseko lehen bi hitzorduak datorren astean izango dira: hilaren 21ean, 18:30ean Reina aretoan; eta hilaren 23an, 18:30ean Aldakoenea eraikinean.. Beharrezkoa ez bada ere, udaletik eskatu dute parte hartzea baieztatzeko (klik hemen)
Aurreko fasean egindako diagnostikoaren emaitzen berri ere eman du udalak eta hala, udalerriaren ondoko ezaugarriak ondorioztatu dituzte: kokapen geografiko bikaina, mugikortasun jasangarria, herri giro aktibo eta plurala, mugikortasun lotura egokiak, eta kultur eskaintza zabala.
Diagnostiko partekatuak identifikatu ditu halaber, hutsuneak. Horien artean, zahartze demografikoa, gazteentzako emantzipazio eta lan aukeren gabeziak, etxebizitza eskuratzeko zailtasunak, eta lan prekarietate maila handia. Horiek nagusiak. Apalagoak hurrengoak, baina aintzat hartzekoak ere: aparkaleku falta, mugikortasunaren baldintzak, eta errenta txikiak. Euskararen erabileraren beherakadak eta osasun mentalaren gaineko kezkak ere gora egin dute, batez ere, gazteen artean.
Diagnostikoa eta plan osoa kontsultatzeko klikatu hemen.
