Parke kaleko igogailua konpontzeko lanak hasiko ditu udalak datorren astean
Lanek hiru hilabete irautea aurreikusi du udalak, eta hainbat fasetan igogailua eta pasabidea itxita izango dira.
Galtzaraborda auzoko igogailu hau izan da eraso duten azkena. Datorren astean Parke kaleko hiri-igogailuaren konpontze eta mantentze lanak hasiko ditu Udalak, zehazki, Parke kaletik Urdaburu kalera igotzen den igogailuaren lehen zatiarenak. Lanek hiru hilabete irautea aurreikusi du, eta bizilagunengan ahalik eragin gutxien izan dezaten saiatuko dela esan du udalak. Hala ere, obraren zenbait fasetan igogailua eta pasabidea itxi egin beharko direla azaldu du.
Burutuko diren lanen artean, garrantzitsuenak, ondorengoak: garbiketa orokorra eta saneamendua pasabidea osatzen duten elementu metalikoen korrosioaren tratamendua; eta zoladuraren tratamendua, gainazala iragazgaiztea barne, euri uren filtrazioek egitura euskarrian eragin ditzaketen kalteak saihesteko. Delsa Irun, SL enpresari esleitu zaizkio lanak, eta udalak 105.270 euroko inbertsioa egingo du.
