Eusko Jaurlaritzak erosi egingo ditu Jauregizarren babes ofizialeko etxebizitzak
Prentsa ohar bidez jakinarazi du Stop kaleratzeak plataformak berria; babes ofizialeko alokairuan bertan bizi ziren hemezortzi familiari Alokabidek kudeatuko duen kontratu berria egingo diete.
Etxebizitzen aurrean egindako 2022ko elkarretrataze bat Jauregizarren babes ofizialeko etxebizitzak Eusko Jaurlaritzak erosiko ditu. Hori horrela, bertan bizi diren hemezortzi familiaren urteetako ziurgabetasun egoerarekin bukatuko du. Stop Kaleratzeak plataformak eman du horren berri prentsa ohar bidez, eta erabakiarekin “pozik” daudela adierazi dute eragindako hemezortzi familiak bezala. Jauregizar enpresak, babestutako kontratu berriak sinatu zitzan azken hiru urteetan Errenteriako Udalak eta Eusko Jaurlaritzaren Etxebizitza sailak egindako “esfortzua” aitortu dute. Izan ere, bertan alokairu sozialean bizi ziren familiei 2022ko maiatzean bukatu zitzaien alokairu kontratua.
Orain etxebizitza horiek erostea erabaki du Eusko Jaurlaritzak, “Babes ofizialeko prezioan etxebizitza erosteko aukerarik izan ez zuten hemezortzi familiaren ziurgabetasun egoerari bukaera jarri diote”. Etxe eraikin berean bizi ziren beste 40 familiek ordura arte alokairuan zian zituzten etxebizitzak, babes ofizialeko bizitegi prezioetan erosi zituzten.
Atzera begira jarri da plataforma, gogora ekartzeko 2021eko maiatzean idatzia aurkeztu zutela Eusko Jaurlaritzari lehentasunez erosteko eta atzera eskuratzeko eskubidea, eta erosi ezin zuten maizterren etxeak berak eros zitzan, hilabete horretan bertan onartu zuen eskaera hori plenoak. Azkenean egi bihurtu delako pozik plataforma, baita bizilagunak, “erosketa adostuta hartzekodunen egin zitzaketen kaleratze eskaerak baztertu direlako”.
Hiru urte hauetan “ezinegona eta lo egin gabeko gauak” izan dituztela hemezortzi familia horiek ere gaineratu du, “izan ere bi urte luzez blokeatuta izan ditu Jauregizarrek Errenteriako Udalarekin eta Eusko Jaurlaritzaren Etxebizitza sailarekin negoziazioak. Eusko Jaurlaritzak diru laguntzak ematen dizkie sustatzaile pribatuei euren etxebizitzak alokairu prezio eskuragarritan jar ditzaten 2021eko abenduaren 7ko 6319 aginduaren bidez, baina negoziazio horiek gelditu zituen Jauregizarrek”.
Elkarretaratzeak ere mordo bat izan direla gogorarazi dute, “etxebizitza delegaritzaren aurrean, Jauregizarren egoitza aurrean, eta Errenteria-Oreretan. Guztiek herritarren, eragile sozialen, eta zinegotzien babesa jaso dute gure etorkizuna babesteko. Gaur gaurkoz, bermatua dugu, Eusko Jaurlaritzak etxeak erosiko dituen berri zoragarriarekin”.
