Gertu-gertu dituzte finalak, lehiaketa federatuan ari diren EPLEko pilotariek
Une honetan EPLEko 25 talde ari dira lehia federatuan: 12 Gipuzkoako txapelketan modalitate guztietan; 10 eskuz banakako errendimenduan; eta hiru eskuz binakako trinketean Iparraldean.
Mikel Aranguren partidu batean.EPLE Lehiaketa federatuan ari diren EPLEko pilotariek gero eta gertuago dituzte finalak. Une honetan EPLEko 25 talde ari dira lehia federatuan: 12 Gipuzkoako txapelketan modalitate guztietan; 10 eskuz banakako errendimenduan; eta hiru eskuz binakako trinketean Iparraldean.
Eskuz binakako seniorren lehenengo kategoriako Santxo eta Arangurenek, finalerdiak jokatuko dituzte Agustina Otaola pilotalekuan hurrengo larunbatean. Partida bakarra izango dute lehian Amezketako Zazpi Iturri 1 taldeko bikotearen kontra. Irabazten duen bikoteak Ohorezko Mailara igoera lortuko du. Partida gogorra eta lehiatua aurreikusi dute EPLEkoek, handia da-eta saria.
Larruzko Paletako lehen mailako finalerdietako partida galdu zuten Eskisabel eta Rubenek Altzako frontoian Errepalako palisten kontra, 35-28 eginda. Bukaera arte borrokatu ziren EPLEkoak, baina Donostiakoak gehiago izan ziren.
Etxezarreta eta Yorelek irabazi egin zuten 30-35 Gaztelekuren kontra. Larruzko Paleteko bigarren mailako finalerdi irabazi zuten EPLEkoek eta hortaz finalean dira eta gainera, datorren deboraldian lehen mailan ariko dira.
Iparraldeko eskuz binakako Trinketeko lahenengo kategorian Taberna ea Chiapusorentzat garaipena, gutxigatik izan bada ere, 340-39. Garaioen horrek maila gorenean lehiatzen jarraitzea bermatu die.
