Beldurrak uxatu dituzte herriko haurrek
Urteko gau ilun eta beldurgarrienaz gozatu dute zientoka eta zientoka haurrek. Urteroko Kalabazaren Bidea egin dute erdigunetik, kriseilu zein lastargien argipean.
Urteko gau ilun eta belduragarrienaz gozatzera irten dira gaur zientoak eta zientoka haur. Aurtengo Gau Beltzerako Orereta Ikastolak, Koldo Mitxelena ikastetxeak eta Koldokide guraso elkarteak indarrak batu dituzte, eta ikustaldi ederra eskaini dute herriko kaleetan barrena. Gaurkoa antolatzeko haiekin batera elkarlanean aritu dira Lau Haizetara Euskaltzaleon Topagunea, Amulleta Danborraren Kofradia, Herri Arte Eskola, Urdaburu Mendizale elkartea, Xenpelar AEK eta Gaztañoko auzo elkartea.
Arrakastatsua oso izan da aurtengo Kalabazaren Bidea ere. Kriseilu zein lastargien argipean urteroko ibilbidea egin dute etxeko trapu eta arropa zaharrekin mozorrotuta kalera irten diren haurrek eta haien gurasoek. Bidean zehar, izuez gain noski, dantza eta musika ere izan dira, emankizunak izan baitira. Buakeran, Agirre Lehendakariaren plazan, suzko zezenarekin gozatu dute bertaratutakoek, uzta garaia behar bezala agurtu eta negua heldu dela ospatzeko.
HITZA aurtengo Kalabazaren Bidean izan da, eta bertan bildutako irudiekin honako bideoa osatu du. Argazki batzuk ere atera ditu desfilean:
