Urdaburu Mendizale elkarteak Ipar Martxa irteera antolatu du
Azaroaren 8an egingo dute irteera. Ibilbideak 10,5 kilometro izango izango ditu eta ez da batere laua izango.
Datorren larunbatean, azaroaren 8an, Urdaburu Mendizale elkarteak Ipar Martxa irteera egingo du. 10,5 kilometroko ibilbidea izango da, Urruña iparraldean.
Elkarteak aurreratu duenez ibilbidea ez da batere laua izango, Notre Dame de Sokorri ermitatik, Zokoatik eta Urtubie gaztelutik igaroko baitira. Urruñarako bidea kotxe partikularretan egingo dute eta norberak ura, kirola egiteko zapatilak eta ipar martxako makilak eraman beharko ditu.
Parte hartzeko izena ematea beharrezkoa da. Izapideak Urdaburu elkartearen egoitzan, aurrez aurre, telefonoz 943 52 78 79 (astearte eta ostegunetan 19:00etatik 21:00etara) edota hurrengo inprimaki hau betez egin beharko da.
