Institutuko ikasleak, Altamirako parkeko zuhaitzekin
DBH1eko ikasleek Altamirako parkeko zuhaitzen gaineko lanketa egin dute, Aranzadi Zientzia Elkarteko kideek lagunduta.
Altamirako parkeko zuhaitz espezieen identifikazioa egin dute Lezo Institutuko DBH1eko ikasleek, Aranzadi Zientzia Elkarteko Yoana Garciaren laguntzarekin. Bertako hamabi zuhaitz espezie daude inguru horretan, eta horien ezagutzan nahiz naturarekiko loturan sakontzeko erabili dute joan den astean egindako jarduera.
Jarduera ez zen teoriara edo hizketaldietara mugatu. Ikasleek aktiboki parte hartu zuten. Mapak, informazio karpetak eta gako dikotomikoa erabiliz jardueraren zati aktibo izan ziren ikasleak, eta Aranzadiko kideak emandako azalpen osagarriak adi-adi entzun zituzten.
Jarduera horri jarraipena emango diote Institutuko ikasleek Natura Zientzietako eskoletan. Ikastetxe ondoan baitako basogunea, Lezoren biriketako bat da.
