Euskarazko mahai jokoak ezagutaraziko dituzte Antxon
Bokalek euskarazko mahai jokoak ezagutu eta probatzeko tailer bat egingo du hilaren 22an, Antxoko Kultur Etxean.
Bokale Pasaiako Euskararen Aholku Batzordeko Familia bidezko euskararen transmisioa lan mahaiak euskarazko mahai jokoak ezagutu eta probatzeko Jolas Molaz tailerra antolatu du.
Tailerra doakoa izango da, 2017 eta 2022 urte artean jaiotako haurrei begirakoa (3-8 urte), betiere guraso baten laguntzarekin. Ikastaroaren helburua izango da euskarazko jokoak ezagutzea, probatzea eta horiekin jolasten ikastea. Jokoak kooperatiboak nahiz konpetitiboak izango dira.
Tailerra euskaraz izango da, baina euskaraz ulertzen ez duten gurasoek ere parte har dezakete. Haiei begira bitartekoak jarriko dira ulermena bermatzeko.
Saioa hilaren 22an izango da, Antxoko Kultur Etxean, 10:30etik 12:00etara. Izena emateko azken eguna hilaren 20a da.
Haur bakoitzak guraso baten laguntza beharko du tailerrean parte hartzeko. Haur bakoitzeko izen emate bat egin beharko dute haurrekin joango diren gurasoek, Pasaiako Udaleko webgunean eskuragarri jarri den estekan.
