Onintza Enbeitak 'Bizitza baten txatalak. Andre bat lurrari emana' liburua aurkeztuko du
Hilaren 27an (osteguna da) Labore Oarson izango da Enbeita liburuaren aurkezpena egiten. 18:00etan izango da hitzordua, goiko hitzaldi gelan.
Onintza Enbeita Maguregik Bizitza baten txatalak. Andre bat lurrari emana liburua idatzi du, eta Labore Oarson aurkeztuko du hilaren 27an (osteguna da), 18:00etan hasita, goiko hitzaldi gelan.
Liburuak nekazaritza eta feminismoa uztartzen ditu, gure arbasoen bizimodua jaso baitu Feli Madariagaren hitzen bidez. Enbeitak berak zehaztu duenez, liburuan “baserria bere horretan, erromantizismorik gabe” nolakoa zen kontatu du. Feli Madariaga (1932, Baldatika, Forua, Bizkaia) da haren bizimodua kontatzen duena, Muxikako Igertu baserrira ezkondu zenetik lurrari emana bizi baita.
Idazleak liburua euskara batuan argitaratu badu ere, Feliren eta idazlearen arteko elkarrizketak “bizkaiera itxian” izan ziren; hortaz, Enbeitak “bizkaiera jasora” itzuli zuen gero, eta, azkenik, euskara batura.
