Kaleko esku hartze artistikoen lehiaketa antolatu du Auzoaren Arimak proiektuak
Proiektuak bost proposamen sortzaile lortu nahi ditu Errenteria-Oreretan, Lezon, Oiartzunen eta Pasaian.
Auzoaren arimak proiektuak bost proposamen sortzaile lortu nahi ditu Oarsoaldean, bana Errenteria-Oreretan, Lezon eta Pasaian, eta bi Oiartzunen. Kalean kokatu nahi ditu proposamen sortzaile horiek, auzoetan bizitza aktibatzeko. Hori horrela, espazio publikoan egindako esku hartze sortzaileen lehiaketa antolatu du. Deialdi hori, artista, diseinatzaile, arkitekto eta sormen arloko profesionalei zuzenduta.
Helburua arima iragankor gisa jardungo duten aldi baterako bost esku hartze artistiko hautatzea dela azaldu dute Oarsoaldeko lau herrietako merkataritza guneak suspertzeko eta dinamizatzeko: “Aukeratutako obrek, ingurunearekin hitz egin beharko dute, elkargune berriak sortu, eta espazio horiei bizi pultsua itzultzen lagundu. Auzoen funtsa apaintzen eta aktibatzen duten proposamenak bilatzen ditugu”.
Bost kokapen aurreikusi dituzte. Errenteria-Oreretan Diputazio plazako kioskoa (4.000 euro); Pasaian, Biteri Plaza (4.000 euro); Lezon, Kale Nagusian (4.000 euro); Oiartzunen, Arraskularren kalean (2.000 euro) eta Mikelete kalean (2.000 euro).
Parte hartzaileek nahi beste kokapenetarako proposamena aurkez ditzakete. Epea, abenduaren 5eko 14:00ak arte izango da zabalik.
Informazio guztia, hemen klikatuta lor daiteke.
