Kultur eskaintza zabala abenduan, Oiartzunen
Euskararen Egunaren bueltan antolatutako jarduerak izango dira nagusi egunotan, baina hamaika ekitaldiz gozatzeko aukera izango dute herritarrek.
Urtea amaitzen ari den honetan, Oiartzungo Udalak herriko eragileekin ondu duen aisialdiko agenda argitaratu du. Eguberrietako oporrak ere laster izango dira, baina, hala eta guztiz ere, oiartzuarrek dozenaka jarduera egin eta horiez gozatzeko aukera izango dute.
Horren adibide da, esaterako, Euskararen astea. Azaroan eman zioten hasiera, baina Euskararen Eguna bihar (hilak 3) izanik, egun horren harira antolatutako ekintzak egiten jarraituko dute. Bihar bertan, 18:00etan, Euskaltzaleon garaia da herri argazkia egingo dute. Hilaren 4an, bestalde, Xabier Lete prosa eta poesia sariak banatuko dituzte, eta, gauean, Gaua filma ikusteko aukera izango dute hala nahi dutenek. Azkenik, Euskararen asteari amaiera emateko, Oskarbi taldeak kontzertua emango du Landetxen.
Hori, baina, ez da herrian musikak izango duen hitzordu bakarra izango, Ibargain musika eskolak Eguberrietako ekitaldia egingo baitu, eta Lartaun Abesbatzak ere egingo baitu saioa.
Bestalde, hilaren 5ean (ostirala da), San Nikolas egunean, alegia, herriko txikienak auzoz auzo kantari ariko dira, hilaren 24an bezalaxe. Ildo horretatik, udalak herritarrak gonbidatu dituzte egun horretako 12:30ean elkarrekin abestera eta neguari ongi etorria egitera. Mari Domingi eta Olentzerori ongi etorria 17:30ean egingo zaie, Doneztebe plazan.
Abenduko agenda osorik ikusteko, egin klik hemen.
