Maite Lopezen eta Laura Yvarren lanak saritu ditu Errenteria Hiria Ipuin lehiaketak
Euskarazko kategorian izan zen garaile Lopez, eta gaztelaniazkoan Ivar. Denera, 642 ipuin aurkeztu dituzte lehiaketara.
Sari banaketa egin zuten larunbatean.Ereintza elkartea Ereintza elkarteak antolatutako errenteria Hiria Ipuin Lehiaketak baditu irabazleak. Euskarazko kategorian Maite Lopez Las Heras azkoitiarraren Hefestoren mailua izan zen lanik onena, eta 800 euroko saria jaso. Gaztelaniazkoan berriz, Madrilen (Espainia) bizi baina Bartzelonakoa (Katalunia) den Laura Ibarren lana izan zen: Angelines. Ibarrek ere 800 euro jaso zituen sari.
25 urtetik beherako euskarazko lan onenaren saria berriz, Anne Zubieta Zapirain errenteriarrarentzat izan zen Begiak itzali ezean ipuinarengatik; gaztelaniazkoan, berriz, Castelloneko (Valentzia, Herrialde Katalanak) Miquel Milian Ibañezek irabazi zuen. Biek ala biek, 300 euroko saria jaso zuten.
Azkenik Joxean Arbelaitz herriko idazle onenari saria, Axun Ertzibengoa Aizpioleak irabazi zuen Sei geltoki lanarekin, eta 200 euro jaso.
Gaztelaniazko herriko idazle onenaren lanaren saria, berriz, Sergio Garcia Vazquezek irabazi zuen Guia de supervivencia ipuinarengatik.
Larunbatean egin zuten sari banaketa Reina aretoan, eta bertan izan ziren irabazleak, baita Aizpea Otaegi alkatea eta andoni Goitia Ereintzako lehendakaria, zein epaimahaikide lanetan aritu diren Jose Antonio Perez-Aguirre, Maite Toca, Eñaut Otazo, Mirentxu Larrañaga eta Juan Gartzia. Lehiaketak 45. ekitaldia izan du aurtengoa eta pozik dira antolatzaileek jaso zuen erantzunarekin, izan ere, 642 lan jaso dituzte.
