Oiartzungo erraldoi ertain berriak aurkeztuko dituzte
Hilaren 26an (ostirala da) izango da ekitaldia, eta erraldoi ertainekin batera izango dira erraldoi txiki zein handiak.
Oiartzungo Erraldoiak taldeak berriki jakinarazi duenez, herriko erraldoi ertain berriak aurkeztuko dituzte hilaren 26an (ostirala da), 17:00etan, Doneztebe plazan.
Soinueneak bultzatu du egitasmoa, eta Oiartzungo erraldoi eta buruhandien konpartsarekin batera aritu da elkarlanean. Era berean, gehitu dute irudien diseinuan Elizalde Herri Eskolako zein Haurtzaro Ikastolako Lehen Hezkuntzako 3. eta 4. mailako ikasleek hartu dutela parte.
Bide horretan, zehaztu dute irudiak Joanes Diez lezoarrak egin dituztela, eta jantziak, berriz, herriko bizilagunek “proiektuari izaera herritarra emanez”.
Aurreratu dutenez, erraldoiak eramango dituzten haurrek zenbait hilabete daramatzate entseatzen, baina aurkezpen ekitaldian ez dira bakarrik egongo, erraldoi handi zein txikiak ere bertan egongo baitira konpartsa guztien irteera bateratua osatuz.
