Acordeireta bikoteak bi kontzertu emango ditu Landetxen
Kontzertu didaktikoa eta ohiko kontzertua emango dituzte Patricia Gonzalez eta Alejandro Balbuenak. Landetxen izango dira hitzorduak.
Patricia Gonzalez Iglesiasek eta Alejandro Balbuena Ojeak osatutako bikotea da Acordeireta, eta bi kontzertu emango dituzte Oiartzunen, hilaren 27an.
Kontzertu horien oinarria Baixo os remendos, nós laneko errepertorioa izango da, eta Galiziako doinu herrikoiak doinu berriekin tartekatuko dituzte. Horretarako, beraz, zenbait tresna joko dituzte, hala nola akordeoi eta pandereta ezberdinak, koilarak, platera titareekin, bonboa…
Datorren larunbatean hitzordu bikoitza izango dute, lehenik kontzertu didaktikoa emango baitute, eta gero, berriz, ohiko kontzertua. Lehena 11:30ean izango da, eta bost euro balio du sarrerak; bigarrena, berriz, 19:30ean, eta sarrerak zortzi euroren truke eros daitezke. Bi saioak Landetxen izango dira.
