Orereta Rugby Taldeak igandean berrartuko ditu entrenamenduak
Igandeko egingo ditu saioak errugbi taldeak 12:00etatik aurrera Beraungo Mikel Odriozola estadioan.
Txingudi Rugby taldearen kadete eta gizonezkoen taldeak Oreretaren kamisetarekin jokatzen.Orereta Rugby Taldea Neguko oporraldiaren ostean, igande honetan, hilak 11, berrartuko ditu entrenamenduak Orereta Rugby Taldeak. Igandero egingo ditu saioak errugbi taldeak Beraungo Mikel Odriozola estadioan, 12:00etan hasita. Gaur gaurkoz, hamalau urtetik berako dozena bat lagun biltzen ditu taldeak igandero, errugbiaz gozatzeko, Xabi Sanchez klubaren koordinatzaileak azaldu duenez. Horrekin batera, beste hamar bat gehiago aritzen dira Txingudirekin batera kadete eta senior kategorietan, “Pixkanaka bagoaz ere, lorpenak egonkortzen ari gara, eta hori oso positiboa da”.
Arlo sinbolikoan ere aurrera urratsak egiten ari direla azaldu du Sanchezek, “denboraldian zehar bitan zelairatu ahal izan dugu kamiseta gorria. Txingudirekin egiten ari garen elkarlanaren harira badira gorriz jokatzen ditugun norgehiagokak”.
Bazkide kopurua handitzea jarri du jomuga elkarteak, bestalde, eta horri begira kanpaina jarri du martxan. Urtean 50 euro ordainduta bazkide txartela eta taldearen produktuak erosterakoan deskontuak jasotzeaz gain, opari berezi bat ere jasoko du taldea babestea erabakitzen duen orok.
Kamiseta berriak ere salgai direla jakinarazi dute, bestalde, Errenteria-Oreretako Herriko Plazan den Paris mertzerian. Arretik eskuragarri zeunden artikuluez gain, taldearen ekipazioa lau bertsioetan aurki daiteke bertan.
