Larunbatean elkartuko dira herriko abeltzainak eta udala
2025ean mendiko larreetan egindako lanez zein 2026an egin beharreko esku hartzeez ariko dira hitzorduan. Udalak herriko abeltzain guztiak gonbidatu ditu bilerara.
Urtean zehar zenbait bilera egiten ditu Goilarrek, Oiartzungo Abeltzainen ordezkariek, udalak eta Gipuzkoako Foru Aldundiko Etorlur erakundeko teknikariek osatutako programak, alegia. Bilera horietan herriko mendietan dauden beharrak aztertu eta horiei erantzuteko kudeaketa lanak bideratzen dituzte.
Urte hasieran elkartu ohi dira datozen hilabeteetako jardunak antolatzeko, eta oraintsu aurten egingo duten batzarrari eguna eta ordua jarri diote: larunbatean (hilak 17) egingo dute topaketa, eta, noski, urte berriari begirako lanak izango dituzte hizpide.
Larunbateko 12:00etan bilduko dira Oiartzungo Udaletxeko pleno aretoan, eta, bertan, teknikariek 2025ean mendiko larreetan egindako esku hartzeak zein izan diren jakinaraziko dute. Gero, baina, 2026rako beharrak eta lehentasunak zerrendatuko dituzte parte hartzaile guztien artean.
Udalak herriko abeltzain guztiak gonbidatu ditu bilerara.
