Otsailaren 2tik 13ra egin ahalko da Haurtzaro Ikastolako matrikula
2023an jaiotako haurren guraso zein tutoreek egun horien artean egin beharko dute inskripzioa. Aurkezpen bilera, baina, hilaren 29an izango da.
Haurtzaro Ikastolan ere jarri dira datorren ikasturteko aurrematrikulari so, eta, gauzak horrela, iragarri dute 2023an jaiotako haurren matrikulazio epea zein izango den. Zehazki, otsailaren 2tik 13ra izango da inskribatzeko egun tartea, eta aurkezpen bilera hilaren 29an (osteguna da) egingo dute, 17:00etan.
Era berean, ate irekiak ere egingo dituzte zenbait egunetan: lehen eguna hilaren 30a da, eta bi saio izango dira, bata goizeko hamarretan eta eguerdiko hiruretan bestea. Hilaren 31n ere izango da Haurtzaro Ikastola ezagutzeko aukera 11:00etan hasita, eta, azkenik, otsailaren 4an ere hitzordu bikoitza izango dute, goizeko hamarretan zein eguerdiko hiruretan.
Hori horrela, ikastolatik aurreratu dute ate irekietara joan nahi duen orok izena eman behar duela webgunean, emailez zein telefonoz.
