Urmendi Haur Eskolako aurrematrikula zabaldu dute
2024an jaiotakoen aurkezpen bilera hilaren 28an izango da, iaz jaiotakoena martxoaren 11n eta 2026koena apirilaren 15ean. 17:00etan dira hitzordu guztiak.
Urmendi Eguna ospatu zuten maiatzean. Oiartzungo Urmendi Haur Eskolak jakinarazi du dagoeneko jakinarazi dutela noiz izango den 2026-2027 ikasturteko aurrematrikulazio epea. 2024an jaiotakoen epea otsailaren 2tik 13ra izango da, eta 2025 zein 2026an jaiotakoena otsailaren 2tik apirilaren 30era.
Gauzak horrela, aurkezpen bilerak ere iragarri dituzte: 2024an jaiotakoen gurasoen hitzordua hilaren 28an izango da; 2025ean jaiotakoena martxoaren 11n, eta, azkenik, 2026an jaiotakoena apirilaren 15ean. Bilera guztiak arratsaldeko bostetan izango dira.
Haur eskola 07:30etik 16:00etara egoten da zabalik, baina 2025ean jaiotakoentzat goizeko eskaintza dute –09:00etatik 12:00etara, bazkaririk gabe–.
Edozein zalantza argitzeko 943 26 00 85 zenbakia eta helbide elektroniko bat helarazi dituzte.
