Gipuzkoako Batel Ligako hirugarrena, bertan behera
Pasaiako Portutik bi ontzi irten behar direla eta 11:30ean ezin da kirol jarduerarik egin bertan.
Gipuzkoako Batel Ligaren hirugarren jardunaldia bertan behera gelditu da. Hala jakinarazi du gaur Illunbe-Trintxerpe Arraun elkarteak; bera zen estropada antolatzeko arduraduna eta klubarekin zerikusirik ez dituen arrazoiengatik ezingo dela jokatu azaldu du.
Bihar 11:30ean bi ontzi dira irtetekoak Pasaiako Portutik, eta hori horrela, ezingo da kirol jarduerarik egingo eremu horretan. Kirol jarduerak arautzen dituen erreglamenduak jasotzen du, edozein kirol jardueren gainetik lehentasuna dutela portu eremuarekin lotutako maniobra eta operazioek, eta horrenbestez, araudi hori betetzeko eta batel ligan parte hartzekoak ziren ontzi gutzien segurtasuna bermatzeko bertan behera utzi dute estropada.
Erabakiak eragin ditzakeen eragozpenengatik barkamena eskatu du Illunbe Arraun Elkarteko zuzendaritzak.
Beste astebete itxaron beharko dute Gipuzkoako batel ligan parte hartzen ari diren arraun elkarteek lehiatzeko, beraz. Zumaiak hartuko du laugarren jardunaldia, hurrengo igandean —otsailak 1—.
