Asteazkenean egingo dute urteko lehen osoko bilkura
Hamar puntuko gai zerrenda izango dute aztergai; HAPOa, lankidetza hitzarmenak edota diru laguntzak izango dituzte hizketagai.
Etzi egingo dute 2026 urteko lehen udal osoko bilkura, eta, beste gai batzuen artean, HAPOa, kontratuak edota lankidetza hitzarmenak izango dituzte hizpide.
Hori gutxi balitz, baina, Oiartzungo erabilera turistikoak eta turismo ostatuko establezimenduen hirigintza antolamenduari dagokion ordenantza aldaketari lehen onarpena ematea aurreikusi dute. Alabaina, Urmendi udal haur eskolari egingo zaion ekarpena ere adostuko dute batzarrean.
Hitzordua arratsaldeko seietan izango da, eta orotara hamar puntu jorratuko dituzte:
- Aurreko batzarrari dagokion aktaren onarpena.
- Oiartzungo HAPOaren hirugarren aldaketa, udalerriko erabilera turistikoak eta turismo ostatuko establezimenduen hirigintza antolamenduari dagokion ordenantza aldatzea. Hasierako onarpena.
- Manuel Lekuona 8 eraikinean igogailua jarri ondoren zoru publikoaren okupazio iraunkorra baimentzea.
- 2026. urterako Oiartzungo Udal Ikastola Partzuergoari egingo zaion ekarpenaren onarpena.
- Udal eraikinen garbiketarako kontratuaren luzapena onartzea.
- 2025. urteko udal ondasunen inbentarioaren eguneratzea.
- Lankidetza hitzarmena Errenteria, Pasaia, Lezo eta Oiartzungo Udalen artean, Oarsoaldeko jarduketa plan integratuan jasotako jarduketak gauzatzeko (Europa, EDIL diru laguntza).
- Ametsondoko xuxurlak proiektua Europako diru laguntzetara aurkezteko erabakiaren berri ematea.
- Beste organoen jardueraren jarraipena.
- Galderak eta eskariak.
