Bihar irekiko da Oiartzungo udaleku irekietan izena emateko epea
Bihartik (hilak 12) hilaren 24ra egongo da zabalik izen ematea, eta HH3tik LH6ra arteko haur zein gazteek izango dute apuntatzeko aukera.
Bihar (hilak 12) zabalduko dute Oiartzungo Udalaren udaleku irekietan izena emateko epea hilaren 24ra bitartean, eta inskripzioa egin nahi duenak esteka honetan egin beharko du kudeaketa. HH3tik LH6ra bitarteko haur zein gazteen familiek izango dute bertan apuntatzeko aukera, eta uztailean egingo dira udalekuak, hamabost eguneko txandetan.
Orotara 360 plaza eskainiko dituzte hamabost aldi bakoitzean, eta eskainitako plaza baino eskaera gehiago jasoz gero zozketa egingo lukete martxoaren 10ean. Alabaina, zozketa eginda edota zozketa egiteko beharrik gabe plaza lortzen dutenek martxoaren 18tik 27ra bitartean egin beharko dute behin betiko izen ematea. Hain justu, behin betiko inskripzioan aurkeztu beharko da dokumentazio guztia.
Era beran, baja eskaerak maiatzaren 31ra arte onartuko dituzte, eta data hori baino lehen berau eskatu dutenei itzuliko zaie dirua.
Azkenik, jakinarazi dute udalekuen aurtengo antolaketa eta plangintzari buruzko informazio bilera ekainaren 10ean izango dela.
Informazio gehiago nahi duenarentzat 645 00 54 96 zein 943 50 64 12 zenbakiak edo udalekuak.oiartzun@gmail.com helbidea luzatu dituzte.
