Larunbatean hasiko da Giriziaren Pala Txapelketa Irekia
Gizonezkoen kasuan 74 bikotek eman dute izena; emakumeen kasuan, berriz, izen ematea irekita mantenduko da martxoaren amaierara arte.
Larunbatean (hilak 14) hasiko da Girizia pilota sailaren Pala Txapelketa Irekia. Josetxo Gamioren omenez antolatzen dute lehiaketa, eta aurtengoa 42. edizioa izango da. Zehazki, asteburuetan jokatzen dituzte partidak, Madalensoron, eta hitzorduak larunbat goiz zein arratsaldetan eta igande goizetan izaten dira.
Gizonezkoen kasuan, 74 bikotek eman dute izena hiru mailetan, eta emakumeen kasuan, berriz, izen ematea irekita mantenduko da martxoaren amaierara arte.
Antolatzaileek jakinarazi dutenez, txapelketak gutxi gora behera lau hilabete irautea aurreikusi dute, finala ekainaren hasieran izango delarik.
Hona hemen asteburuko partidak:
- Hilak 14, larunbata, 08:15ean:
- Landa – Ibarguren / Arbilla – Etxeberria.
- Sola – Irastorza / Tejedor – Okerantza.
- Urbieta – Alberdi / Xalbador – Xalbador.
- Diaz – Zelaia / Bergara – Flores.
- Hilak 15, igandea, 08:15ean:
- Agirre – Beroz / Argote – Bereziartua.
- Errasti – Nuin / Otegi – Pagoaga.
- Iribar – Urigoita / Etxeberria – Cortes.
- Agirre – Loisi / Murua – Arzallus.
