'Burujabetzen Kontzejua' saioa antolatu du Oiartzun Burujabek
Larunbatean izango da batzarra, eta Oiartzun Burujaberen ibilbidea partekatzea eta proiektu estrategikoak aztertzea izango dira helburuak.
Oiartzun Burujabek Burujabetzen Kontzejua saioa egingo du hilaren 21ean (larunbata da), 11:30ean, Landetxen. Herritar guztiei irekitako deialdia da berau, eta topaketaren helburuak Oiartzun Burujaberen ibilbidea partekatzea eta egitasmoaren baitan garatu diren proiektu estrategikoak azaltzea izango dira.
Hortaz, bilkuran azken urteetan egindako lana izango dute mintzagai, eta burujabetzen inguruan herrian irekitako bideak eta esperientziak jarriko dituzte erdigunean. Zehazki, elikadura; energia; zaintza; euskara eta kulturartekotasuna zein kultura arloetako proiektu bana azalduko dute larunbatean.
Alabaina, etorkizunera begirako erronka eta aukerak ere aztertuko dituzte “hausnarketa kolektiboa sustatuz eta Oiartzun Burujaberen norabidea elkarrekin lantzeko asmoz”.
Oiartzun Burujabek herriko eragile eta herritar guztiak gonbidatu ditu “proiektuaren nondik norakoak gertutik ezagutzeko eta burujabetzaren aldeko dinamika komunitarioak parte hartzeko”.
