V. Enpatikonomia, martxoaren 13an
Ingurua eta ingurukoak kontuan hartzen dituen ekonomia inklusiboa da enpatikonomia, enpresei begirakoa. Jardunaldia Errenteria-Oreretako Agustinak Zentroan izango da, 09:00etatik aurrera.
Argazkia: IV. Enpatikonomia. Oarsoaldea Garapen Agentziak enpresei begirako Enpatikonomia izeneko jardunaldia egingo du martxoaren 13an Errenteria-Oreretako Agustinak Zentroan, 09:00etatik aurrera. Garapen agentziaren arabera, ingurua eta ingurukoak kontuan hartzen dituen ekonomia inklusiboa da enpatikonomia. Kontzeptu horrek jarduera ekonomikoaren baitako pertsonen eta errealitatearen zaintza negoziorako aldagaien artean sartzen ditu, haiekiko enpatiaz eta ez apatiaz jardunez. “Izan ere, gure inguruko pertsonak eta errealitatea ongi egoteak eta ongi sentitzeak gure negozioan eragin positiboa dauka, dudarik gabe”, adierazi dute sustatzaileek.
Aurtengo Enpatikonomian euskara lan munduan eta komunitatean errotzeko tresna gisa jorratuko da, enpresentzako adibide praktikoak, eredu baliagarriak eta hausnarketarako edukiak partekatuz.
Egun, 1960ko eta 1970eko hamarkadetan gertatu zen bezala, atzerriko herritarrak Euskal Herrira lanera eta bizitzera etortzen ari direla baietsi du Oarsoaldeak. Kopuru hori, gainera, urtez urte handitzen joango dela nabarmendu du eskualdeko garapen agentziak, eta horrek gizarteko egituretan eta enpresetan aldaketak eragingo ditu. Herritar berrien multzo handi hori euskararentzat ere “arriskua eta erronka” izango dela zehaztu du Oarsoaldeak. Hori dela eta, pertsona horiek guztiak gizartean eta enpresetan txertatzeko, “euskara aldagai giltzarria” izan daitekeela aztertuko da Enpatikonomian.
“Gaztelania ikasiko dute, baina gaztelaniarekin beste herrialdetara joan daitezke hemen hilabete batzuk egin ondotik. Euskaraz ikasten badute, ordea, talentu hori bertan atxikitzeko, herritar berriak izateko aukerak handitzen dira”, adierazi dute antolatzaileek.
Jardunaldian parte hartzeko galdetegi bat prestatu du Oarsoaldea Garapen Agentziak.
Enpatikonomia 2026
09:00-09:10: Ongi etorria.
- Aizpea Otaegi Mitxelena (Errenteriako alkatea eta Oarsoaldea Garapeko Agentziako presidentea).
- Naroa Iturri (aurkezlea).
- Nerea Intxausti (aurkezlea).
09:10-10:25: Euskalduntzen direnen ikuspegia.
- 09:20-09:30: Elkarrizketa.
- Andoni Martinez de Ustaran eta Sebastian Ustarroz (Arbasoak taldea).
- 09:30-10:10: Aurkezpenak eta mahai ingurua.
- Yasmine Khris Maansri (Euskal Herrian bizi den okzitaniarra).
- Mamadou Sarr Diame (Euskal Herrian bizi den senegaldarra).
- Iñigo Arrieta (EIKA kooperatibako presidentea).
- 10:10-10:25: Hitzaldia.
- Arkaitz Fullaondo (Ikuspegi-Immigrazioaren Euskal Behatokiko zuzendaria).
10:25-11:20: Kanpoko ikuspegia.
- 10:25-10:45: Bideoa.
- Mari Nikonen (Finlandia). Beste ikuspegi batzuk jasotzen dituen bideoaren proiekzioa.
- 10:45-11:20: Elkarrizketa.
- Arantza Tapia.
- Helena Franco.
11:20-11:50: Atsedena.
11:50-13:35: Praktika onak.
- 11:50-12:05: Magia.
- 12:05-12:25: Hitzaldia.
- Belen Uranga (Soziolinguistikaren Klusterra).
- 12:25-13:00: Mahai ingurua.
- Leyre Jauregi Gonzalez (BatzenZabalduz).
- Irati Mañeru Igoa (Erroak).
- Maite Villasante Gomez (AEK).
- 13:00-13:35: Mahai ingurua.
- Maider Aizpuru Garmendia (Biele).
- Ramon Mendiguren (Cikautxo).
- Bidane Txopitea (Soraluce – Danobat).
- 13:35-13:45: Bukaera.
