Emakumeen Eguna eta Korrika nagusi martxoko agendan
Martxoaren 8rako egun osoko egitaraua antolatu du Oiartzungo Feministen Asanbladak. Manifestazioa, bazkaria eta bakarrizketa izango dira tartean.
Martxoak bi ditu dagoeneko, eta hil berriarekin batera, hamaika ekitaldi eta jarduera berri egiteko eta horiez gozatzeko aukera izango da herrian. Gauzak horrela, Oiartzungo Udalak martxoko aisialdiko agenda argitaratu du, eta hitzordu nagusiak martxoaren 8an izango badira ere, hilabete osoan zehar zenbait ekitaldi izango dira herrian.
Martxoaren 8rako Oiartzungo Feministen Asanbladak egun osoko egitaraua antolatu du, eta, besteak beste, manifestazioa, bazkaria, bakarrizketa eta herri kirol ikuskizuna izango dira. Azken hori Elizalde herri eskolak antolatu du, ikastetxearen 50. urteurrenaren harira.
Alabaina, aurten 24. Korrika egingo da, eta herritik hilaren 24ko goizaldean pasako bada ere, aurrez zenbait jarduera antolatu dituzte eguna girotzeko.
Era berean, Laburbira film laburren emanaldia eta dokumentala, Pinpilinpauxa horiak antzezlana edota Nortasun agiria bakarrizketa ikusteko aukera egongo da.
Martxoko egitarau osoa ikusteko, egin klik hemen.
