Zortzi hitzordu aurtengo Literatura Plazara egitasmoan
Hilaren 9tik 28ra bitartean zortzi hitzordu izango dira herriko hainbat txokotan. Solasaldiak, errezitaldiak edota aurkezpenak egingo dituzte.
Iazko 'Literatura plazara' egitasmoko hitzordu bateko irudia. @1545_argitaletxea / instagram Literatura plazara egitasmoaren laugarren aldia egingo dute aurten. Literaturaren presentzia areagotzea du helburu ekitaldi sortak, eta, hortaz, gai hori ardatz izanik, zortzi hitzordu antolatu dituzte herriko zenbait txokotan.
Hona hemen ekintza sorta:
- Hilak 9 (astelehena), 17:30 eta 18:30ean, Udal liburutegian.
- Leire Bilbao idazlearen bisita irakurle taldeko LH3 eta LH4ko taldeei. Udal liburutegiak eta 1545 argitaletxeak antolatuta.
- Hilak 13 (ostirala), 19:00etan, Landetxen.
- Biziminak. Doluak hitzetan errezitaldi emanaldia. Goiatz Labandibar, Karmele Mitxelena eta Olatz Mitxelena idazleak, Idoia Hatxe, Izaro Telletxea eta Ainara Lasa herriko sortzaileak. Sarrerak erosi behar dira. Killirikupe eta 1545 argitaletxeak antolatuta.
- Hilak 14 (larunbata), 10:30etik 12:00etara, Udalbatza aretoan.
- Bat eta bat, hamaika. Aukeratzea, ze zaila! Mireia Delgado eta Dorleta Kortazarren arteko solasaldia: zein liburu aukera, zergatik eta zertarako? Galtzagorri elkartea, Ku-ku elkartea eta 1545 argitaletxeak antolatuta.
- Hilak 15 (igandea), 10:30etik 13:30era, Ehuntze espazioan.
- Idazketa tailerrei buruz: gidarien elkargune bat topaketa solasaldia. Idazketa sortzailea: helburua, materialak, estrategiak… Eider Perez Adeletxek gidatuta. Metrokoadroka eta 1545 argitaletxeak antolatua.
- Hilak 16 (astelehena), 17:30ean, Udal liburutegian.
- Ainara Azpiazu Axpi ilustratzailearen bisita irakurle taldeko LH2ko taldera. Udal liburutegiak eta 1545 argitaletxeak antolatuta.
- Hilak 18 (asteazkena), 19:00etan, Galdosenean.
- Dena zulo bera zen liburuaren aurkezpen emanaldia Eider Rodriguez idazlearekin eta Anari Alberdi musikariarekin. Galdosenea taberna eta 1545 argitaletxeak antolatuta.
- Hilak 22 (igandea), 18:00etan, Landetxen.
- Su txikian bertso saio musikatua. Haira Aizpurua, Uxue Alberdi eta Andoni Egaña bertsotan, Alaia Martin gaiak jartzen eta Patxi Amulet eta Bastien Marianne musikariekin. Sarrerak erosi behar dira. 1545 argitaletxeak antolatuta.
- Hilak 28 (larunbata), 12:00etan, Udal liburutegiko kaperan.
- LERA poesia errezitaldi musikatua. Castillo Suarez idazlea, Udane Ansa ilustratzailea eta Peru Galbete musikariekin. 1545 argitaletxeak antolatuta.
