'Pinpilinpauxa horiak' antzerkia egingo dute igandean, Landetxen
Oiartzungo Antzerkizaleen Elkarteak antolatuta, Lesakako Mairu antzerki taldearen antzerkia izango da hilaren 15ean, 19:00etan.
Oiartzungo Antzerkizale Elkarteak antolatuta, Pinpilinpauxa horiak antzerkia egingo dute Landetxen igandean (hilak 15). Lesakako Mairu antzerki taldearen antzezlana da berau, eta hitzordua 19:00etan izango da.
Pinpilinpauxen Benta mugako ostatua da, eta Maritxu bertako nagusi zein langilea da. Sua piztu da inguruko mendi eta basoetan, eta suak inguratu da ostatua. Bertara doan errepidea zein gainerako bide guztiak moztuta daude. Komunikabide guztiak ere erori dira. Isolaturik geratu dira, Maritxu. bezala, bertan dauden bezero guztiak ere.
Zazpi tximeleta etxaldean preso. Horietariko bakoitzak, bere alderik ederrena erakutsi nahi izanagatik ere, iraganeko har bat daraman berarekin.
Beraien arteko mesfidantza areagotu baino ez denean egiten, nor bere kapuluan sentitzen da seguruen.
Antolatzaileek jakinarazi dutenez, sarrerak dagoeneko salgai daude Landetxeko leihatilan zein online.
