'Iparra galdu gabe' orientazio jolasa egingo dute zenbaitetan, Arditurrin
Hilaren 19an hasi eta hilaren 22ra bitartean egunero egingo dute familiei bideratutako jolasa. Izena eman behar da aurrez.
Hilaren 19an, 20an, 21ean zein 22an egingo dituzten saioak. Iparra galdu gabe orientazio jolasa da Arditurri parketxeak familiei begira antolatzen duen hitzorduetako bat, eta, oraingoan, lau egunetan jarraian egingo dute.
Familian egiteko jarduera da aipatutako orientazio jolas hori, eta Arditurri parketxetik bertatik abiatzen dira parte hartzaileak. Hala ere, partaideek zenbait froga aurkitu beharko dituzte inguruetan bidearekin jarraitu ahal izateko.
Orientazio jolasa hilaren 19an, 20an, 21ean zein 22an egingo dute, eta parte hartu nahi duenak izena eman beharko du 943 49 42 48 edota 688 89 50 68 zenbakietara deituta naiz helbide honetara mezu elektroniko bat bidalita.
