Errenta aitorpena euskaraz egitera deitu dute
2025eko errenta aitorpenaren kanpainaren atarian, Errenteriako, Lezoko, Oiartzungo eta Pasaiako Udalek herritarrak errenta aitorpena euskaraz egitera animatu dituzte.
2025eko errenta aitorpenaren kanpainaren atarian, Errenteriako, Lezoko, Oiartzungo eta Pasaiako Udalek herritarrak errenta aitorpena euskaraz egitera animatu dituzte, bai eta, oro har, ogasunarekin komunikazioa euskaraz izatera ere.
Azaldu dutenez, azken urteetan gero eta gehiago dira Oarsoaldean errenta euskaraz egiten dute herritarrak. “Joera horrek erakusten du administrazioarekiko harremanetan ere euskarak bere lekua hartzen duela, pixkanaka eta modu naturalean”.
Errenta aitorpena euskaraz egiteko, Gipuzkoako Foru Ogasunak bidaltzen duen autolikidazio proposamena onartzerakoan hizkuntza aldatu besterik ez da egin behar. berdin, aitorpena internetez egiterakoan edota ogasuneko bulegoetan aurrez aurre egiterakoan ere.
Hartara, udalek diote hautu horiek eguneroko erabakien parte direla, eta horien bidez erabakitzen dela administrazioarekin euskaraz aritzeko aukera. “Ez da ahalegin handia, baina bai noranide bat markatzen duen keinu bat”, diote lau herrietako euskara zinegotziek.
Era berean, kanpaina horrekin lotuta, Oarsoaldeko Euskara Batzordearen bidez, lau herrietan zozketa bana egingo dute errenta aitorpena euskaraz egiten duten herritarren artean. Herri bakoitzean otordu bana zozkatuko dute.
Zozketa horretan parte hartzeko, online formularioak bete, QR kodeak eskaneatu edota leku publikoetan dauden txartelak bete behar dira.
