Kattalin Arabolaza eta Inge Mitxelena, finalean
Oiartzungoa eta Errenteria-Oreretakoa dira, hurrenez hurren, zortzi finalistetako bi. Finala apirilaren 24an izango da, Azpeitian.
Osatu da dagoeneko bertsolaritzako Gipuzkoako Eskolarteko finalisten zerrenda. Zortzi bertsolarik osatu dute taldea, eta Oarsoaldeko bi kide daude izen horien artean: Kattalin Arabolaza eta Inge Mitxelena.
Arabolaza oiartzuarra da, eta Oñatiko saioko irabazlea izan zen; Mitxelena, berriz, oreretarra da, eta hark Altzokoa irabazi zuen.
Honakoa da zortzikoa: Kattalin Arabolaza, Inge Mitxelena, Duna Urteaga, Haritz Alkorta, Ekhi Alvarez, Urko Arakistain, Eñaut Otaño eta Adei Urbitarte.
Finala apirilaren 24an izango da, Azpeitiko Elikagunean, afalostean. Afariko sarrerak hemen eros daitezke.
