Tomatea, erdigunean, Furgobaratzaren eskutik
Apirilaren 14an, Arramendiko Baratza Gunean Furgobaratzak tomatearen inguruko saio berezi bat emango du. Tomate landareak ere banatuko dituzte.
Tomate landare osasuntsuak izateko gakoak emango dituzte tailerrean. Argazkia: Bizibaratzea Tomatea landatzea erraza da, baina, zaintzea? Horrek baditu bere komeriak. Horregatik, hasi berrientzat, eta ez hain berrientzat, Furgobaratzak saio berezi bat eskainiko du Arramendiko Baratze Parkean, apirilaren 14an. “Tomateak Tomate landareak osasuntsu edukitzeko kontutan eduki beharrekoak azalduko ditugu: landaketa distantzia, zaintza, tratamenduak…”, adierazi du Furgobaratzak.
Herriz herri mugitzen da Furgobaratza, herrietako baratza lurretan haien esperientzia eta jakinduria zabalduz. Tomate garaia gertu dago, hau da, uda gertu dago, eta badira jada haziak landatzen hasi direnak. Horregatik, neguko lurrei buelta eman, eta bizitzaz bete dira baratzak. Furgobaratzatik iragarri dute apirilaren 14an tomate landareak banatuko dituztela.
